Çdo do ditë e më shumë mediat britanike po zbardhin fakte dhe skemat që përdorin shqiptarët për të hyrë në Angli me gomone. Në një artikull shkruhet se trafikantët po mashtrojnë emigrantët nga Shqipëria që të largohen drejt Britanisë përpara se të ketë një kryeministër të ri. Ata u thonë shqiptarëve se një udhëheqës i ri do të ndalojë të gjitha kalimet e Kanalit me një sërë patrullash dhe se dështimi për t’i ndaluar ata ishte rënia e Boris Johnson. Kontrabandistët kanë ulur gjithashtu çmimin për kalimin prej 20 miljesh gjatë motit të mirë deri në 2,000 £ për person, krahasuar me 10,000 £ në muajt e kaluar.
Ndërkohë çmimet për kalimin e fshehur në një kamion janë rreth 22,000 £ dhe vijnë me një rrezik shumë më të madh për t’u kapur. Zbulimet vijnë pasi një raport i inteligjencës zbuloi se katër në dhjetë persona që mbërrijnë me varka të vogla janë nga Shqipëria, pavarësisht se nuk ka pasur luftë atje për 25 vjet. Nëntë banda qëndronin pas 2,863 emigrantëve që erdhën nga 1 qershori deri më 12 korrik. Prej tyre, 1,075 ishin shqiptarë. Numri i përgjithshëm që ka bërë udhëtimin këtë vit arriti në 18,000 të shtunën kur 337 kaluan në dhjetë varka.
Një burim tha: “Shqiptarëve u thuhet se qindra njerëz do të patrullojnë Kanalin , policët do të ruajnë bregdetin dhe ata do të kthehen dhe do të humbasin paratë e tyre. “Kur të ketë një kryeministër të ri, do të ketë një gënjeshtër të re – çfarëdo që duhet për të vazhduar këtë tregti.”
Discussion about this post