Policia Rrugore ka vijuar kontrollet gjatë natës në dy autostradat që lidhin Tiranën me Elbasanin dhe Durrësin.
Sipas policisë, përgjatë orëve të mbrëmjes së dy netëve të fundit, janë pezulluar 10 patenta, për shpejtësi që varionin nga 138 km/h deri në 141 km/h, ndërsa janë pezulluar 19 patenta për drejtim mjeti nën efektin e alkoolit.
Janë vendosur 42 gjoba me vlerë nga 2.000 deri në 4.000 lekë të rinj për shpejtësi tej normave të lejuara që varionte nga 115 km/h deri në 127 km/h. Gjithashtu, janë vendosur 39 masa administrative me vlerë nga 5.000 deri në 15.000 lekë të rinj për drejtim mjeti nën efektin e alkoolit.
Ndër të tjera, policia i bën apel drejtuesve të automjeteve të bëjnë kujdes dhe të mos abuzojnë me shpejtësinë dhe alkoolin.
