Talenti shqiptar që po shkëlqen në Itali, Stiven Shpendi, mund të bëjë debutimin e tij në Serinë A, duke hedhur një hap shumë të rëndësishëm në karrierë. Djaloshi kishte shkëlqyer në radhët e Cesenës në Serinë C dhe kishte ngjallur interes nga klube me emër në Itali.
Fillimisht u raportua për oferta nga skuadra si Brescia, Palermo e Ternana që e kërkonin në Serinë B, apo edhe Juventus Next Gen si dhe Lecce. Por mediat italiane bëjnë të ditur se një nga klubet që di të vlerësojë më mirë të rinjtë, Empoli, ka fituar garën për futbollistin shqiptar.
Me një marrëveshje që është mbyllur me shumë shpejtësi, raportohet se Stiven Shpendi do t’i bashkohet klubit ku kanë marrë famë futbollistë shqiptarë si Hysaj, Asllani e Bajrami, pa harruar këtu edhe Ismajlin i cili është aktualisht pjesë e tij.
Empoli ka blerë kartonin e futbollistit për 2 milionë euro, si dhe i ka lënë Cesenës përqindje nga shitja e ardhshme, pasi mendohet se lojtari ka mundësi shumë të mëdha përmirësimi dhe pritet të bëhet një protagonist i futbollit italian në vitet në vijim./PanoramaSport
Discussion about this post