Bashkia Tiranë me drejtues Erion Veliajn është duke shfrytëzuar çdo rast përmes tenderëve gjigandë, duke zbrazur e zbrazur xhepat e qytetarëve.
Këtë herë Drejtoria e Përgjithshme e Taksave dhe Tarifave në Bashkinë Tiranë ka vendosur të shpenzojë 30 733 333 (Tridhjetë milionë e shtatëqind e tridhjetë e tre mijë e treqind e tridhjetë e tre) lekë pa tvsh ose rreth 308 milionë lekë të vjetra për blerje automjetesh.
Pra, tatimet nga bashkia e Lali Erit kërkojnë të bëjnë këtë blerje me shumë marramendëse për shërbim luksi, kur xhepat e qytetarëve po fiken dhe vendi vijon të mbytet nga kriza.
Për muaj me radhë në poltrone, kryebashkiaku bën apel ndaj qytetarëve që “të kursehen” me shpenzimet, por kur vjen puna te luksi i administratave ai u jep dritën jeshile tenderëve. Në tenderin e hapur me numër REF- 24494-04-08-2022, drejtoria e tatimeve kërkon të blejë automjete me vlerë 30 733 333 pa TVSH ose rreth 308 milionë lekë të vjetra.
Kohëzgjatja e kontratës ose afati për zbatimin e saj, është vendosur brenda 180 ditëve nga momenti i nënshkrimit të kontratës .
Ndërsa afati i fundit për paraqitjen dhe hapjen e ofertave: 06/05/2022
Hapja e këtyre procedurave tenderuese vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit. A.L/ Gijotina.com.
Discussion about this post