Shpenzimet për një familje pa arsim, në 6 vitet e fundit janë rritur më tepër se në një familje me arsim. INSTAT njofton, në 2020 një familje me kryefamiljarë pa arsim shpenzoi në muaj mbi 71 mijë lekë me një rritje 23 % nga viti 2014. Një familje me arsim të lartë shpenzoi gjatë një muaji mesatarisht 116 mijë lekë më 2020 me një rritje 13 % nga viti 2014. Ndërsa, tek ata me arsim të mesëm u shpenzuan 87 mijë lekë në muaj në vitin 2020 nga 74,8 mijë lekë në vitin 2014 me një rritje 17% në krahasim me 6 vite më parë.
Familjet me arsim në vitin 2020 ata i kishin shpenzimet mujore 63 për qind më të larta se ato më arsim 8-9 vjeçar. Po ky hendek ka ardhur në ngushtim në raport me vitin 2016, ku shpenzimet familjeve të arsimuara ishin 77.4% më të larta se të familjeve me arsim të ulët. Shkalla e papunësisë për personat që kanë mbaruar vetëm 9 vjeçaren është më e ulëta nga gjithë të tjerët.
Tek meshkujt me arsim 8-9-vjeçar, norma e papunësisë në fund të tremujorit të tretë 2020 ishte 9.2%, ndërsa për femrat 9.5%. Madje për meshkujt ka pasur një ulje të kësaj norme gjatë kohës së pandemisë, nga 9.4% të regjistruar në tremujorin e tretë 2019. Ndërsa për femrat është rritur ndjeshëm, në krahasim me 7.3%, që ishte në të njëjtën periudhë të një viti më parë.
Duket se arsimi i lartë nuk ndihmon shumë në gjetjen e punës sipas INSTAT në fund të tremujorit të tretë 2020, norma e papunësisë te meshkujt me arsim të lartë ishte 11%, ndërsa te femrat kjo përqindje arrin në 13.1%
Krahu i punës në vend, ku kryesisht kompanitë kërkojnë persona jo të kualifikuar, duket përmendur këtu fasoneritë, lokalet e baret, apo edhe të tjera vende punësimi. Pra, kjo ndikon në punësimin e personave pa arsim, ose pa kualifikim të veçantë.
