Raporti i performancës i Kontrollit të Lartë të Shtetit(KLSH) ndalet në mospërputhjet që kanë deklarimet e shpenzimeve të ministrive në raportet e monitorimit dhe ato në sistem.
Institucionet nuk kanë arritur të respektojnë kërkesat që parashikon kuadri ligjor sa i takon regjistrimit të urdhër prokurimeve, regjistrimit të të planit të pagesave në Sistemin Informatik Financiar të Qeverisjes (SIFQ) apo dorëzimit të mijëra faturave jashtë afatit pranë Thesarit. Raporti i performancës i Kontrollit të Lartë të Shtetit(KLSH) ndalet në mospërputhjet që kanë deklarimet e shpenzimeve të ministrive në raportet e monitorimit dhe ato në sistem.
Konkretisht sipas KLSH për vitin 2022, kanë rezultuar 8 nga 11 ministri me diferenca midis të dhënave te gjeneruara nga Sistemi Informatik Financiar i Qeverisjes (SIFQ) dhe te dhënave te paraqitura në raportet e monitorimit, si dhe për këto te fundit mungon analiza dhe vlerësimi i performances për zbatimin e buxhetit bazuar ne rishpërndarjet e tij, me qellim evidentimin e impaktit të mundshëm ne performancën e objektivave lidhur me to. Sipas raportit në vitin 2022 janë realizuar 45 projekte (grant) në vlerën 519,754 mijë pa plan buxhetor apo ne tejkalim të planit buxhetor, tregues i një planifikimi te dobët, i cili mund te sjelle si pasoje ndryshimin e prioriteteve qeverisëse, si dhe kalim të tavanit përkatës buxhetor.
KLSh ndalet edhe tek rindërtimi duke nënvizuar se referuar vendimeve të Këshillit të Ministrave të dala deri ne fund të vitit 2022 per këtë program, rezulton se fondet e shpërndara janë mbi vlerën e përcaktuara ne ligjin e buxhetit për ketë fond, është përcaktuar si burim financimi edhe ngurtesimi i fondeve nga projekte te tjera të rindërtimit, te cilat paraqiten me ecuri te ngadalte.
“Kosto totale e projekteve nuk ishte shoqëruar me ndryshim te vlerës se planifikuar më ligjin e buxhetin për fondet e rindërtimit ne vitet pasardhëse buxhetore, duke qene se plani vijon tëpara qitet në shumën 0 lekë, duke sjellë mungesë bashkërendimi te kostove totale te projekteve me planifikimin e vlerave përkatëse ne ligjin e buxhetin per vitet pasardhëse buxhetore”, thuhet në raport.
I njëjti sjell në vëmendje se për vitin 2022 konstatohen 2956 rishikime, te cilat kanë sjellë ndryshime për 25508 transaksione, të cilat konstatohen kryesisht në muajin dhjetor me 6731 raste ose rreth 26.4% të rasteve ne total; regjistrimi i rialokimeve te fondeve buxhetore me data kontabile efektive me te hershme (retrospektive).
“Janë konstatuar 102 raste te urdhër prokurimeve te regjistruara në sistem ne vitin buxhetor 2022 të cilat lidhen me nje kontratë te nënshkruar ne vitet e mëparshme buxhetore (2011-2021); 52 raste në të cilat urdhër prokurimet rezultojnë te jenë regjistruar deri ne 10 dite diference nga data e kontrates; nuk është respektuar afati 3-ditor për regjistrimin e kontratave nga data e nënshkrimit te tyre ne 10602 raste mosregjistrim ne SIFQ i planit të pagesave të kontratës e kushtëzuar nga mos detajimi i planit buxhetor për projekte te investimeve sipas parashikimeve te udhëzimit standard të zbatimit të buxhetit; janë konstatuar 27311 fatura ne total te dorezuara në Thesar jashtë afatit 30 ditor nga data e furnitorit; janë të paktën 20 raste ne reth 2.7 miliardë lekë të regjistrimit dhe pagesave pjesore me te vogla te faturave, te lidhura me përputhjen e fondeve buxhetore disponibel, me efektin e detyrimeve të prapambetura ne kushtëzimin e procesimit te transaksioneve te pjesshme ne sistem; konstatohen gjithsej 9349 transaksione pagesash në vitin 2022 ne shumën totale 16,8 miliardë leke të cilat i përkasin faturave me date te viteve buxhetore te mëparshme; u konstatuan ekzekutime të pagesave te faturave te regjistruara ne data te mëvonshme, përpara urdhër shpenzimeve te regjistruara ne data me te hershme”, nënvizon KLSH./ Monitor
Discussion about this post