Punonjësit e Kolegjit të Posaçëm të Apelimit (KPA) sipas vendimit të Këshillit të Ministrave do të marrin shpërblim për festat e fundvitit. Sipas këtij vendimi shpërblimi që ata do të marrin nuk duhet të tejkalojë nivelin e një page mujore, ndërsa kostoja në buxhet do të përballohet nga fondi i buxhetit 2021 të Kolegjit, për pagat e personelit.
Në njoftim flitet dhe për një problem me buxhetin, ku Kolegjit të Posaçëm të Apelimit me ligjin vjetor të buxhetit për vitin 2021, i është miratuar një fond për pagat e personelit më i vogël se nevojat e tij për të paguar punonjësit sipas strukturës organike të miratuar nga Kuvendi i Shqipërisë, problematikë kjo, e cila është rikuperuar vetëm në muajin tetor të këtij viti, sipas njoftimit.
I vetmi fond që ishte në dispozicion për këtë institucion , ishte në shumën 465 000 lekë, i cili është cilësuar si pa efekt real domethënës për shpërblimin e punonjësve të Kolegjit, ndaj për shkak se ky fond i papërdorur, është i pamjaftueshëm për të mundësuar dhënien e shpërblimit për të gjithë punonjësit e Kolegjit, Mbledhja e Gjyqtarëve vendosi që të mos përfitojnë shpërblim sipas këtij vendimi të Këshillit të Ministrave, gjyqtarët dhe këshilltarët e Njësisë së Shërbimit Ligjor. Shuma prej 465 000 lekësh do të ndahet ndërmjet punonjësve administrativë të Kolegjit, në një shumë bruto prej 25.833 lekësh për person.
Discussion about this post