Ish-kryetari i Bashkisë së Durrësit Vangjush Dako, i cili është arrestuar për “shpërdorim detyre” në dy raste, ka bërë rekurs në Gjykatën e Lartë.
Përmes avokatit të tij, Dako kundërshton vendimin e Apelit të Posaçëm që la të pandryshuar masën e “arrestit me burg”.
Rekursi është regjistruar teksa shorti ka si relator Ilir Pandën, dhe pritet nga ky i fundit caktimi i datës për shqyrtimin e kërkesës.
Dako u arrestua më 6 qershor me urdhër të Prokurorisë së Posaçme kundër Korrupsionit dhe Krimit të Organizuar me dyshimet se ka shpërdoruar detyrën në dy raste.
E para ka të bëjë me dhënien e lejes për ndërtimin e një pallati në Durrës në kundërshim me ligjin, dhe çështja tjetër me tenderin për projektin e zhvillimit të vijës bregdetare që iu rrit vlera 10-fish.
Gjithsej bashkë me Dakon u lëshuan 10 urdhër arreste, 7 prej të cilave me arrest në burg dhe 3 në arrest shtëpie.
Discussion about this post