9 zyrtarë publik janë pezulluar nga puna ditën e sotme për shkak se kanë abuzuar me detyrën. Sipas burimeve, funksionarët e pezulluar ushtronin detyra në Korçë, Tiranë dhe Kolonjë, kryesisht në drejtoritë e mjedisit dhe pyjeve. Kryesisht ata kanë qenë drejtues të Inspektoratit të mjediset dhe atij të kontrollit për ujërat.
Burimet bëjnë me dije se të pezulluarit janë; G. P., 54 vjeç, banues në Korçë (me detyrë inspektor në Sektorin e Inspektimit të Pyjeve Korçë); F. T., 28 vjeçe, banuese në Kamzë, Tiranë (me detyrë drejtore e Drejtorisë së Inspektimit të Pyjeve Tiranë);
- Sh., 38 vjeç, banues në Tiranë, përgjegjës i Sektorit Operacional në Drejtorinë e Inspektimit të Pyjeve Tiranë
- Q., 39 vjeç, banues në Korçë, përgjegjës i Sektorit të Inspektimit të Mjedisit dhe të Ujërave Korçë
- M., 47 vjeç, banues në Korçë, inspektor në Sektorin e Inspektimit të Kontrollit të Territorit Korçë
- D., 51 vjeç, banues në Korçë, inspektor në Sektorin e Inspektimit të Mjedisit dhe të Ujërave Korçë
- C., 61 vjeç, banues në Ersekë, kryeinspektor në Sektorin e Kontrollit dhe Mbrojtjes së Territorit Kolonjë
- J., 52 vjeç, banues në Korçë, inspektor në Drejtorinë e Inspektimit të Gazit dhe të Naftës Korçë
- M., 53 vjeç, banues në Korçë, inspektor në Drejtorinë e Pajisjeve nën Presion Korçë. Këta shtetas, gjatë kohës që kanë qenë të punësuar në institucionet shtetërore të përmendura më lart, dyshohet se kanë shpërdoruar detyrën, me kryerjen apo moskryerjen e veprimeve me dashje, në kundërshtim me ligjin, duke iu sjellë personave të tjerë, përfitime të padrejta dhe duke dëmtuar interesat e ligjshëm të shtetit, shtetasve dhe personave të tjerë juridikë.
Discussion about this post