Polica e Fierit ka vënë në pranga 4 zyrtarë, pasi kanë lejuar një person të kryej ndërtime pa leje në Patos. Mësohet se, fal denoncimeve nga qytetarët dhe kontrolleve në terren është bërë i mundur arrestimi në flagrancë Sajmir Troka, i cili u kap nga shërbimet e Policisë duke ndërtuar në mënyrë të paligjshme. Nga hetimet e bëra është konstatuar se, punonjësit e IMT në Fier, si përgjegjës për parandlaimin e këtyre rasteve, nuk kanë rkyer detyrën dhe kanë lejuar këtë person të vazhdojë me punimet, pa marrë asnjë masë ndaj tij. Për këtë arsye, policia ka vendosur procedim penal për “Shpërdorim detyre”, ndaj katër punonjësve të Inspektoriatit Vendor të Mbrojtjes së Territorit në Bashkinë Patos.
Konkretisht, bëhet me dije se kanë filluar hetimet për procesin e punës ndaj, Amarildo Gushit 31 vjeç, banues në Patos, me detyrë Kryeinspektor; Xhuljano Collarit 27 vjeç banues në Patos, me detyrë Inspektor; Dashnor Lamcajt 63 vjeç, banues në Patos me detyrë Inspektor Kontrolli i Territorit në IMT në Bashkinë Patos dhe ndaj Lindita Peta 58 vjeçe banuese në Patos, me detyrë Specialiste për Administrimin dhe Mbrojtjen e Tokës.
Policia bën me dije se, këta shtetas nuk kanë kryer detyrën funksionale mbi parandalimin dhe ndëshkimin e personave që kryejn ndërime të paligjshme. Për këtë arsye kanë nisur hetimet për të verifikuar mënyrën e procesit të punës nga këta persona, pasi dyshohet se mund të ketë raste të tjera të ngjashme.
Discussion about this post