Shpërndanin drogë në Korfuz, shkatërrohet grupi shqiptar

Policia greke ka arrestuar 14 personash dhe ka shpallur në kërkim 5 të tjerë, si pjesë e një grupi kriminal që shpërndanin kokainë në ishullin e Korfuzit. Mes të arrestuarve dhe të shpallurve në kërkim janë 11 shtetas shqiptarë, shumë prej të cilëve nga Saranda. Ndër të arrestuarit është edhe një i kërkuar nga Interpol Tirana si dhe një ish polic grek.

Sipas policisë greke ky grup kriminal funksiononte prej shtatorit 2022 duke qarkulluar rreth 1.5 kg kokainë, nga të cilat 950 gram janë sekuestruar nga policia. Gjatë operacionit të djeshëm mësohet se janë sekuestruar edhe 1 pistoletë, 5600 euro, 2 automjete dhe 8 celularë.

Disa prej personave të arrestuar mësohet se ndodheshin në burg, të arrestuar më parë. Mes personave të arrestuar është edhe Enivled Aliaj, 39 vjeç nga Saranda.

Enivled Aliaj rezulton i shpallur në kërkim nga Interpol Tirana për veprën penale “vrasje me dashje e mbetur në tentativë” dhe “dhunë në familje”. Aliaj rezulton i arrestuar edhe më parë në Korfuz në 14 prill 2023, në lidhje me urdhër arrestin e lëshuar nga Shqipëria.

Personat e arrestuar janë:

1. Romeo Bici, 38 vjec
2. Bernard Arapi, 32 vjec
3. Edlira Qendro 45 vjec
4. Enivled Aliaj 39 vjec
5. Donald Aliaj 36 vjec
6. Endri Hoxha 32 vjec
7. Klement Hoxha 42 vjec
8. Nikolas Paktitis 39 vjec
9. Anastasia Simati 25 vjec
10. Dhimitra Handrinou 29 vjec
11. Theodhoros Petropulos 31 vjec
12. Kristoforos Athanasios ish polic grek
13. Andreas Komianos
14. Theodhoros Kurkulos

Në kërkim u shpallën:

1. Laert Beleri, 48 vjec
2. Anest Bino, 35 vjec
3. Mirel Mustaka, 49 vjec
4. Miklovan Deneko, 37 vjec
5. Olena Ivanova, 35 vjec