Katër persona janë arrestuar nga policia e Tiranës, ndërsa janë goditur tre raste të shitjes së lëndëve narkotike me doza. Uniformat blu bëjnë me dije se pas informacioneve të marra se në një biznes (sallë lojërash elektronike) në zonën e Selvisë, 2 vëllezër, mbanin lëndë narkotike, kanë shkuar menjëherë për kontroll.
Si rezultat, specialistët për Hetimin e Narkotikëve gjetën dhe sekuestruan, në cilësinë e provës materiale, 3 kg lëndë të dyshuar narkotike cannabis sativa si dhe një pjesë të ndarë në doza. Në vijim të veprimeve u arrestuan në flagrancë D. H., 28 vjeç dhe E. H., 22 vjeç (vëllezër), të dy banues në Tiranë.
Në kuadër të operacionit “Risk” është arrestuar edhe një 24-vjeçar, i cili shpërndante doza kokainë në zonën e Komunës së Parisit, ndërsa një tjetër ka përfunduar në pranga për të njëjtën arsye.
Discussion about this post