Një shtetase shqiptare u arrestua nga autoritetet italiane, pasi dyshohet se në bashkëpunim me një çift italian, shpërndanin kokainë me doza të vogla.
Gjatë arrestimi atyre u janë gjetur rreth 160 gramë kokainë, si edhe lëndë dhe mjete për ndarjen në doza dhe paketimin e drogës për ta shitur më pas.
Mediat italiane raportojnë se policia fillimisht zbuloi 37-vjeçaren italiane, e cila i dorëzoi një pako të dyshimtë 43-vjeçares shqiptare, e cila më vonë u zbulua se mbante rreth 140 gramë kokainë.
Nga kontrollet e mëpasshme të shtëpive u bë e mundur gjetja dhe sekuestrimi i mjeteve prerëse në shtëpinë e gruas shqiptare, ndërsa në shtëpinë e gruas me kombësi italiane u gjetën dhe sekuestruan 24 gramë të tjera kokainë dhe një peshore elektronike precize.
Gjatë këtij kontrolli të fundit, dolën përgjegjësi për drogën e gjetur, edhe ndaj partnerit të gruas, një italian 40-vjeçar.
Discussion about this post