Policia e Tiranës ka arrestuar në flagrancë dy persona ditën e sotme për akuzat e shpërndarjes së lëndëve narkotike me doza, si dhe është shpallur në kërkim një bashkëpunëtor i tyre. Gjithashtu është sekuestruar një sasi me lëndë narkotike cannabis sativa, e ndarë në doza, një automjet dhe 5 aparate celular.
Personat e arrestuar janë me inicialet, J. A, 24 vjeç, dhe E. B, 19 vjeç, pasi gjatë kontrollit të automjetit dhe banesës së tij, iu gjetën dhe sekuestruan një sasi dozash me lëndë narkotike kanabis.
Sipas policisë, personat në bashkëpunim me njëri-tjetrin, merreshin me veprimtarinë e kundërligjshëm të shpërndarjes së lëndëve narkotike në doza, në zona të ndryshme të Tiranës.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
