Policia e Shkodrës ka arrestuar një 19-vjeçar pasi është kapur në flagrancë duke shpërndarë drogë gjatë një feste. Po ashtu janë proceduar edhe dy të tjerë. Në pranga ka rënë 19-vjeçari me inicialet A.G, banues në lagjen “Guerrile” Shkodër, për veprën penale “Prodhimi dhe shitja e narkotikëve”.
Gjithashtu është proceduar penalisht një 24-vjeçar me ininicialet S.H , banues në lagjen “Guerrile” Shkodër dhe F. B., 27 vjeç, banues në Tiranë, për veprën penale “Prodhimi dhe shitja e narkotikëve”.
Ndërkaq policia ka sekuestruar dhjetëra cannabis sativa dhe një sasi lënde e dyshuar kokainë.
Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.
Discussion about this post