Një 28-vjeçar që akuzohet se shiste doza cannabisi, në qytetin e Sarandës është arrestuar nga policia, ndërsa në pranga kanë përfudnuar dhe dy shtetas grekë që u kapën në flagrancë me doza cannabisi, që dyshohet se ia kishin blerë 28-vjeçarit.
“Shërbimet e Komisariatit të Policisë Sarandë, pasi siguruan informacion se një shtetas posedonte lëndë narkotike me qëllim shitjen, organizuan dhe finalizuan operacionin policor të koduar “Parts 23,” si rezultat i të cilit u kapën dhe u arrestuan në flagrancë shtetasit L. S., 28 vjeç, banues në Sarandë, E. S., 22 vjeç dhe G. D., 22 vjeç, të dy banues në Greqi”, njoftoi policia.
Gjatë kontrollit fizik ndaj këtyre tre shtetasve dhe kontrollit në banesën e shtetasit L. S., shërbimet e Policisë gjetën dhe sekuestruan dhjetëra doza lëndë të dyshuar narkotike cannabis sativa.
Nga veprimet hetimore dyshohet se L.S., pasi siguronte lëndë narkotike cannabis, e ndante në doza të cilat i shiste në zona të ndryshme në qytet.
Discussion about this post