Dënohet me 5.4 vite burg efektivi i forcave “Shqiponja” të Sarandës Lavdosh Metaj. Vendimi është dhënë pak ditë më parë nga gjyqtarja Suela Xhani. Ajo dha vendim për të dënuar 39 vjeçarin me 8 vite heqje lirie. Por në aplikim të gjykimit të shkurtuar, i është ulur 1/3 e dënimit.
Metaj me origjine nga Fieri është arrestuar në 12 qershor 2021 pas një operacioni të SHÇBA, në kuadër të hetimeve që zhvilloheshin ndaj tij për shpërndarje kokaine në Sarandë. Gjatë arrestimit të tij, kontrolli personal dhe ai në banese u zbuluan në cilësinë e proves materiale 166.6 gram kokainë, 350 euro, 21 mijë lek të reja dhe 3 celularë.
Discussion about this post