Shpërndante “të bardhë” në Tiranë, arrestohet 27-vjeçari, çfarë i gjeti policia

Një 27-vjeçar është arrestuar nga policia e Tiranës me akuzën e prodhimit dhe shitjes së lëndëve narkotike.

Sipas bluve të kryeqytetit, u bë kapja dhe arrestimi në flagrancë i V. H., 27 vjeç, banues në Tiranë.

I riu është arrestuar në bulevardin “Dëshmorët e Kombit”, Tiranë, të cilit, gjatë kontrollit fizik, i kanë gjetur dhe sekuestruar, në cilësinë e provës materiale një sasi lënde të dyshuar narkotike kokainë dhe një peshore elektronike.

Nga veprimet hetimore të kryera ka rezultuar se ky shtetas, pasi siguronte lëndën narkotike kokainë, e ndante atë në porcione të vogla, të cilat i shiste më pas, në zona të ndryshme të Tiranës.

Vijon puna për dokumentimin e plotë të veprimtarisë kriminale të kryer nga ky shtetas.

Materialet i kaluan Prokurorisë, për veprime të mëtejshme