Nënë e bir, përkatësisht 55 dhe 28 vjeç, kanë mbetur të plagosur si pasojë e një zjarri që ka rënë në banesën e tyre në Fushë Krujë. Ngjarja ka ndodhur pasditen e së mërkurës, ndërsa shkak për zjarrin ishte një defekt në bombulën e gazit.
“Më datë 24.01.2024, në lagjen “Punëtori”, në Fushë Krujë, dyshohet se si pasojë e një defekti në bombulën e gazit, ka rënë zjarr në banesën e shtetasit E. S.
Si pasojë janë dëmtuar shtetasi E. S., 28 vjeç, dhe nëna e tij, shtetasja L. S., 55 vjeçe, të cilët ndodhen në spital nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi Policia.
Discussion about this post