Së paku 17 persona kanë vdekur nga një zjarr i madh që ka shpërthyer në një depo shtetërore të naftës në kryeqytetin indonezian, Xhakarta.
Gjashtëdhjetë persona pësuan lëndime, shumë prej tyre me djegie të rënda. Qindra njerëz që jetonin në zona banimi afër vendit ku shpërtheu zjarri, u detyruan që të evakuoheshin, raporton televizioni BBC.
Zyrtarët indonezianë po bëjnë thirrje për auditimin e të gjitha objekteve dhe infrastrukturës që lidhet me sektorin e naftës.
“Çfarë pashë unë ishte tymi që lëvizte nga e majta në të djathtë. Rreth dhjetë minuta më vonë, pati një shpërthim dhe zjarri u përhap, duke kapur shtëpi”- tha një dëshmitar.
Discussion about this post