Të paktën 31 persona kanë vdekur dhe shtatë të plagosur në qytetin kinez Yinchuan, në rajonin veriperëndimor Ningxia, pas një shpërthimi gazi në një restorant Barbecue të mërkurën mbrëma. Shpërthimi u shkaktua nga një rrjedhje e një rezervuari të gazit të lëngshëm brenda restorantit dhe ndodhi rreth orës 20:40.
Nga shtatë të plagosurit, një person është ende në gjendje kritike për jetën. Gjashtë të tjerët po trajtohen në spital për lëndime të lehta, djegie dhe prerje xhami. Autoritetet lokale të zjarrfikësve dërguan 20 automjete dhe më shumë se 100 personel në vendngjarje, me operacionet e kërkim-shpëtimit që zgjatën deri në orën 4 të mëngjesit të së enjtes.
Fotot e postuara nga media shtetërore tregojnë ndërtesën e dëmtuar, me pamje të jashtme të nxirë, mbeturina në tokë dhe tym në ajër. Zjarrfikësit janë parë duke hyrë në katin e dytë në një shkallë dhe duke nxjerrë njerëzit me barela. Policia ka arrestuar nëntë persona dhe ka ngrirë pasuritë e tyre, duke përfshirë menaxherin e restorantit, punonjësit dhe aksionarët.
Discussion about this post