Evi Kokalari, aktiviste shqiptaro-amerikane, e cila për disa kohë iu bashkua Rithemelimit të drejtuar nga Sali Berisha, dhe më pas u kthye në një kritike e ashpër e tij, sot ka zgjedhur të atakojë Gazment Bardhin, pas inicimit të një tryeze që bëri bashkë 43 deputetë të opozitës, të pozicionuar në grupimet e Berishës dhe Bardhit.
Kokalari e akuzon Bardhin si hipokrit, dhe thotë se ai po punonte për t’i hapur varrin Berishës.
Kokalari shkruan në rrjet se të gjithë deputetët e PD-së që i quan “vemje të ulëta” do të zëvendësohen në zgjedhjet e 2025-ës.
Reagimi i Kokalarit:
O Gaz Bardhi, po ty do të të besojmë ne?
Perpara zgjedhjeve të 14 Majit, ti ishe në komunikim të vazhdueshëm me Këlliçin, dhe me një grup të vogël brenda rithemelimit, por dhe brenda PD së Alibeajt, ju po i hapnit varrin Berishës mbas humbjes që ju e dinit ishte e sigurt në 14 Maj.
Naiviteti im që mendova se do bashkoheshit me Berishës vetëm e vetëm që rithemelimi të hynte në garë me logon e PD zyrtare dhe jo Ilir Metën.
Sapo u kthye Lulzim Basha në PD, që në fakt ty të dha jetë, dhe mbas dy vitesh që e luftove rithemelimin, po mbledh ti deputët e opozitës?
Ne fakt ti je po aq hipokrit sa vetë Berisha. Dhe fakt mbetet vetëm një:
JU TË GJITHË DO ZËVENDËSOHENI NË ZGJEDHJET E 2025!
Këtë premtim ja jap Berishës, se ju të tjerët jeni vemjet më të ulta që ka njohur politika e 32 viteve të fundit, dhe nuk meritoni asnjë vëmendje.
Discussion about this post