Shpërthen në flakë automjeti në autostradën Tiranë-Elbasan

Një automjet ka shpërthyer në flakë në autostradën Tiranë-Elbasan paraditen e kësaj të mërkure.

Policia bën me dije se si pasojë e flakëve është djegur plotësisht automjeti tip “Benz”, ndërkohë që drejtuesi i mjetit ka mundur të dalë në kohë.

Shkak i rënies së zjarrit është bërë një defekt në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit

“Rreth orës 11:45, në aksin rrugor “Tiranë-Elbasan”, dyshohet se për shkak të një defekti, ka marrë flakë gjatë kohës që ishte në lëvizje, automjeti tip ‘Benz’, me drejtues shtetasin A. H., 40 vjeç. Si pasojë e flakëve është djegur plotësisht automjeti. Nuk ka shtetas të dëmtuar”, njofton policia.