Një ngjarje e rëndë është shënuar në Portugali. Dy persona humbën jetën dhe 14 të tjerë u plagosën, mes tyre katër fëmijë, nga zjarri që shpërtheu dje të shtunën në një ndërtesë në lagjen Mouraria.
Zjarri ka rënë në katin e parë të pallatit ku banonin emigrantë dhe u përhap me shpejtësi. Ai u vu nën kontroll përpara se të përhapej në ndërtesat fqinje falë ndërhyrjes së hershme të zjarrfikësve, tha Komandanti i Zjarrfikësve të Lisbonës, Thiago Lopez, shkruajnë mediat e huaja.
“Nuk ka lëndime serioze. Ato janë për shkak të thithjes së tymit”, tha ai për gazetën Publico.
Shefja e shërbimit komunal të Mbrojtjes Civile Margarita Castro sqaroi se dy të vdekurit janë të huaj, ndërsa për 14 të plagosurit ajo tha se dy janë argjentinas, 11 janë emigrantë nga vendet e Azisë Juglindore dhe një është portugez. Rreth orës 23:00 (me orën lokale), kryebashkiaku i Lisbonës Carlos Moedas vizitoi lagjen Mouraria dhe shprehu trishtimin e tij për humbjen e jetës.
Discussion about this post