Shpërthen një granatë dore në Mitrovicë, nuk ka të lënduar

Polica ka njoftuar se një person i panjohur ka hedhur një granatë dore para derës së një lokali në Mitrovicën e Jugut, pranë sheshit “Adem Jashari”.

Si pasojë e shpërthimit janë thyer xhamat e lokalit dhe janë shkaktuar dëme materiale edhe në dy lokale tjera afariste.

Përpos dëmeve materiale nuk është raportuar për ndonjë të lënduar.

Njoftimi i Policisë:

“Sheshi Adem Jashari, Mitrovica Jug 09.06.2023 – 03:25 -Është raportuar se para derës së një kafiterie ka ndodhur një shpërthim i një granate dore që ishte hedhur nga personi i panjohur. Si pasojë e shpërthimit janë shkaktuar dëme materiale ne xhamat e asaj kafiterisë dhe dy lokaleve tjera afariste. Përveç dëmeve materiale nuk raportohet për persona te lënduar. Njësitë relevante policore kanë dalë në vendin e ngjarjes dhe janë duke e hetuar rastin”.