Trajneri i skuadrës së Milanit, Stefano Pioli ka shpërthyer në polemika pas ndeshjes me skuadrën e Atletiko Madrid. Tekniku Italian tha se gjyqtari turk Çakër ka penalizuar skuadrën e tij.
“Nuk mendoj se ka qenë nata më e mirë për arbitrin. Jemi penalizuar pak. Të vjen keq. Inferioriteti numerik na detyroi të bënim një lloj tjetër ndeshje, pas largimit me të kuq vështirësitë ishin të shumta. Ka keqardhje pasi i shkuam shumë afër një rezultati pozitiv.
Kush më nervozoi më shumë nga vendimet e gjyqtarit? Shumë situata. Jo vetëm kartoni i kuq dhe penalltia, kur ndërhyrjet ishin 50-50, ai shkonte gjithmonë nga ana tjetër. Por ne duhet të mendojmë për gjërat e mira që kemi bërë 11 kundër 11. Me pak kujdes mund të sigurohej fitorja. Duke vuajtur, shtrënguar dhëmbët. Na mungoi diçka, një mëkat.
Kemi luajtur mirë, me ritëm e cilësi, duke konkretizuar më pak se sa meritonim, Duhet të qëndrojmë në ndeshje gjatë gjithë lojës”, ishte analiza e Piolit.
