Këtë sezon klubi parisien i PSG, bëri ‘spektakël’ në merkato, duke afruar emra të mëdhenj si Messi, Ramos, Donnaruma, Hakimi apo Wijnaldum ndërsa pjesë të saj kishte dhe Neymar, Di Maria dhe Verrati.
Shumë trajneree do te kishin zili këtë skuadër ëndrrash, por trajneri aktual i PSG, Pochetino ka sqaruar se nuk është aspak e lehtë të drejtosh yje të tillë.
“Messi, Mbappe dhe Neymar, të tre mund të jenë mbretër, por tek ne janë në një vend tre mbretër, dhe duhet të theksoj se ata kanë nevoja të ndryshme. Mbappes i duhet hapësirë për të vrapuar, Neymar kërkon të mbajë kontrollin e topit, ndërsa Messi ka një stil tjetër loje nga këta të dy. Është shumë e vështirë ti bashkërendosh të tre.”
“Ne po punojmë të gjejmë mënyrën e duhur për të luajtuar që ata të ndihen komod, por nga ana tjetër skuadra duhet të kuptojë filozofinë e lojës. Për ne si staf është diçka shumë e bukur të punojmë me ta.”
“Të gjithë presin nga PSG titullin e Champions League, por nuk duhet të harrojmë që kundërshtarët e europës i kemi vërtet të fortë ,” komentoi situaten trajneri.
Discussion about this post