Pas largimit nga ky formati “Love Stroy” , Robert Aliaj nuk i ka ndalur deklaratat e ashpra.
Gjatë një intervistë dhënë për emisionin “Natë me Aulonën”, ai tha se në këto kohë televizioni po “shet prostitucion çdo ditë”.
“Televizioni shet pa frikë prostitucion çdo ditë. E ke të mbushur fare! Ne i çojmë nëpër sofra njerëzve imoralitet pa fund. Vishemi si ato vajzat e trotuareve dhe ja nxjerrim njerëzve në darkë, njerëzve që shohin televizor se nuk kanë jetë”, ka shtuar Roberti.
Aliaj gjithashtu është shprehur se televizioni duhet të ketë brenda edukimin, por sipas tij në Shqipëri nuk ka fare lidhje me edukimin.
“Televizioni e di çfarë është: është opsion i dytë për njerëzit këtu në Shqipëri, ku nuk ka jetë kulturore, ku ti nuk ke ku shkon, televizioni është solucioni si në kohën e diktaturës. Televizioni duhet të ketë brenda edukimin, ndërkohë këtu nuk ka fare lidhje me edukimin”- u shpreh Aliaj.
Kujtojmë se Robet Aliaj u largua një javë më parë nga emisioni “Love Story”, pas debateve që ai kishte me opinionisten tjetër të programit Jerina Lalaj.
Discussion about this post