Deputeti i PD, Dash Sula është shprehur se as në kohën e Hoxhës parlamenti nuk është rrethuar me gardh metalik.
Sula ka theksuar se mazhoranca nuk po e lejon opozitën të bëjë detyrën e saj dhe sipas tij kur një pushtet është afër fundit shtohen dhe ligjet absurde.
“Mazhoraca e sotme dhe opozita e djeshme ka bërë çdo gjë duke shkatërruar parlamentin dhe nuk është dënuar kurrë më shumë kush se 10 ditë. Berisha e bënte me shpirt kur thonte që opozita është hall dhe ka të drejtat e veta. Do të duhet që opozitës t’i lënë hapësirat e veta.
Dënimi më i madh atëherë ishte 10 ditë, ndërsa sot këta kanë dënuar Nokën Bardhin dhe Hotin me 9 milionë lek për prishjen e karrigeve këta edhe këtu duan të vjedhin.
Këtyre u ka hyrë frika, Cicëroni ka një shprehje që thotë që sa më i afërt është fundi i një pushteti aq më absurde janë ligjet e vendit.
E ka blinduar Parlamentin me gardistë si bunker të Enver Hoxhës. Ne kemi ardhur këtu për të treguar fytyrën e vërtetë të këtij shteti të ashtuquajturi demokrat, por këta janë tamam bijtë e atyre që kanë qenë në atë kohë. Këta janë nga ata që të vrasin natën dhe të qajnë ditën.
Ata nuk meritojnë t’ia thuash as emrin deputet, janë disa kukulla, mumie që as flasin e as reagojnë, por nuk e kuptojnë që çdo gjë ka një fund. Pasi të mbarojnë këtë do të bëjnë si shpirt i keq. Duhet të kesh integritet”, u shpreh Sula.
Discussion about this post