Vullkani nënujor në Tonga, ka shpërthyer të shtunën, rreth 65 km (40 milje) në veri të kryeqytetit Nuku’alofa.
Autoritetet nuk kanë konfirmuar ndonjë vdekje, mirëpo komunikimi është i dobët, duke e bërë akoma dhe më të vështirë përcaktimin e shkallës së shkatërrimit.
Zelanda e Re ashtu edhe Australia kanë dërguan fluturime vëzhgimi për të mësuar më shumë rreth situatës. Forcat e dërguara nga Zelanda e re thanë se kishte “dëm të konsiderueshëm” përgjatë bregut perëndimor të Tongatapu, ishullit kryesor të Tongës.
Por Kryqi i Kuq dha disa arsye për shpresë, duke thënë se raportet sugjeronin se dëmi nuk ishte aq i keq sa aludohej në fillim.
“Ne besojmë se nga informacioni që mund të mbledhim gjendja nuk është aq katastrofike sa menduam fillimisht se mund të ishte, kështu që ky është një lajm vërtet i mirë,” tha Katie Greewood, e cila po bashkërendon organizatën.
Organizata vlerëson se deri në 80,000 njerëz mund të jenë prekur nga cunami.
Korrespondentja e Paqësorit për Televizionin e Zelandës së Re, Barbara Dreaver, shkroi në Facebook se do të duheshin “të paktën dy javë përpara se telefonat ndërkombëtarë dhe interneti të funksionojnë përsëri”, për shkak të dëmtimit të shkaktuar në një kabllo kritike nëndetëse si rezultat i shpërthimit vullkanik.
Tonga përbëhet nga 170 ishuj të shpërndarë në rreth 700,000 km katrorë. Rreth 100,000 njerëz jetojnë në Tonga, pjesa më e madhe e tyre në ishullin Tongatapu.
Discussion about this post