Pronari i një hoteli në Divjakë ka humbur jetën paraditen e sotme si pasojë e asfiksimit nga tymi. Lidhur me ngjarjen e rëndë policia raporton se viktima është Llambri Marku 60-vjeç. Ai është gjetur i vdekur rreth orës 10:30 në një nga dhomat e hotelit në pronësi të tij.
Gjithashtu, nga veprimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.
“Rreth orës 10:30, në Divjakë, është gjetur i pajetë shtetasi Ll. M., 60 vjeç, në një nga dhomat e hotelit në pronësi të tij. Nga veprimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.”
Së fundmi, grupi hetimor nën drejtimin e Prokurorisë Lushnjë, po punon për zbardhjen e rrethanave dhe shkaqeve të ngjarjes.
Discussion about this post