Dy persona kanë humbur jetën pas shpërthimit të zjarrit në një nga zonat më të mëdha turistike në Francë.
Zjarri bëri që rreth 7,000 qytetarë të largohen nga banesat e tyre, shumë prej të cilëve ishin turistë të vendosur në kampe, në zonën bregdetare të Saint-Tropez në Cote d’Azur .
Prefekti Evans Richard, në një komunikim për mediat ka theksuar një prej viktimave është burrë. Ai gjithashtu bëri me dije dhe se kanë nisur hetimet pasi një trup është gjetur plotësisht i djegur në një fshat.
Ndërkohë 22 persona kanë pësuar dëmtime të lehta, ndërsa shërbimet zjarrfikëse prej tre ditësh janë në luftë me flakët.
