Një shpërthim shumë i fuqishëm ka goditu një ndërtesë në Gothenburg, Suedi, ku si pasojë rreth 25 persona janë plagosur dhe ndodhen në spital, sipas agjencisë së lajmeve TT.
Sipas mediave lokale, tre nga të plagosurit janë në gjendje kritike.
“Ne transportuam 20 deri në 25 persona në spital, disa u plagosën rëndë, disa lehtë. Tre gra të moshës 60-80 vjeç u plagosën rëndë”, citohet të ketë thënë spitali lokal.
Policia suedeze njoftoi në faqen e saj në internet se po punon për evakuimin e njerëzve që jetojnë në zonë.
Policia thotë se ka hapur një hetim edhe pse deri më tani nuk ka të dyshuar.
