Shpërthim me tritol në Pogradec, flet banori: Menduam se u shemb pallati

Një banor i pallatit, ku ndodhi shpërthimi me lëndë plasëse në Pogradec, ka treguar se kanë mbetur tepër të tronditur nga ngjarja.

“Ishte një shpërthim i fuqishëm, menduam se ra pallati. Pashë tym të zi. Pastrueset qëlluan duke pastruar dhe u trembën shumë. Ishte tmerr, sepse shpërthimi u ndje shumë”, ka thënë ai.

Një shpërthim me tritol ka tronditur Pogradecin në orët e para të kësaj të hëne.

Ngjarja ka ndodhur rreth orës 02:30 në sheshpushimin e një pallati midis katit të parë dhe katiti të dytë, afër hyrjes së banesës së shtetasit Meardi Berberi.

Ky i fundit dyshohet të ketë qenë edhe shënjestra pasi rezulton një person me precedent të mëparshëm penal dhe i dënuar 5 herë që prej vitit 2011, për vepra të ndryshme penale.

Pak më muaj më parë ai ishte liruar nga burgu duke përfituar nga amnistia.