Është sulmuar me eksploziv objekti i kompanisë serbe “Elektro – Kosmet” në Mitrovicën e Veriut. Policia e Kosovës u njoftua se trafoja elektrike që ishte në afërsi të elektro – distribucionit mori flakë.
Dyshimet e para të Policisë së Kosovës ishin se zjarri u nis nga tensioni elektrik, megjithatë pas këqyrjes së vendit të ngjarjes u konstatua se objekti u sulmua me mjet shpërthyes.
Policia njofton se ka vetëm dëme materiale. Autoritetet ende nuk kanë asnjë të dyshuar për incidentin. Megjithatë, Ministri i Punëve të Brendshme, Xhelal Sveçla ka fajësuar strukturat paralele në Veri për sulmin.
Ndërkaq, të premten, Zyra e Rregullatorit të Energjisë në Kosovë, pas dy vjetësh, ka licencuar kompaninë “ElektroSever” për operim në këtë pjesë. ZRrE e lëshoi licencën për “ElektroSever” për periudhën pesë vjeçare, duke shtuar se nuk do të rregullojë çmimet me të cilat do të operojë kompania në katër komunat veriore.
Discussion about this post