Të tjera detaje janë zbardhur nga ngjarja që ka tronditur Shkodrën në mesnatën e shkuar. Në një njoftim zyrtar polica ka publikuar të dhënat e grumbulluara deri më tani.
Uniformat blu bëjnë të ditur se rreth orës në derën e supermarketit në pronësi të Florenc Markut në lagjen ” Kongresi i Përmetit” si dhe në derën e një biznesi tjetër privat butik rrobash në pronësi të shtetasit Xheml Bushati në lagjen “Vasil Shanto”, është vendosur lëndë plasëse. Si pasojë e shpërthimit raportohet të ketë vetëm dëme materiale.
Ndër të tjera dyshohet se dy autorët u larguan me biçikletë nga vendngjarja dhe kanë qenë të maskuar. Deri më tani pronarët bëjnë me dije se nuk kanë patur ndonjë problem të mëparshëm, apo konflikt që mund të sillte në këtë ngjarje. Sakaq, grupi hetimor dhe prokuroria ndodhen në vendngjarje dhe vijon grumbullimi i provave, me qëllim zbardhjen e plotë.
Discussion about this post