Kryetarja në detyrë e Bashkisë Shkodër, Voltana Ademi, ka reaguar në lidhje me dy shpërthimet që ndodhën në Shkodër mëngjesin e djeshëm. Në një deklaratë publike ajo ka kërkuar nga autoritetet zbardhjen e ngjarjes së rëndë të shpërthimeve të njëpasnjëshme me eksploziv mëngjesin e së shtunës në Shkodër. “Kjo ngjarje ka tronditur qytetin ,biznesin dhe familjet. Nevoja për të patur siguri është domosdoshmëri në këtë qytet” , tha Ademi.
Më tej kryebashkiakja në detyrë theksoi se shteti shqiptar ka probleme me sigurinë, dhe ngjarje të tilla tregojnë se sot shqiptarët janë të ekspozuar ndaj çdo rreziku. “Shteti jonë ka probleme dhe ka pas probleme që lidhen me sigurinë, ngjarje të tilla tregojnë mungesën e eficences profesionalizimit , dëshirës vullnetit për të punuar dhe për t’i siguruar qytetaret në Shqipëri”, shtoi ajo
Ademi tha se është investuar nga bashkia Shkodër në kamerat e sigurisë në akset kryesore të rrugëve dhe në çdo kohë që kërkohen policia i ka në dispozicion. Ndërsa shtoi se gjatë këtyre viteve në krye të bashkisë Shkodër nuk është ndjerë e kërcënuar por nuk ka reshtur duke kërkuar që çdo qytetarë të ndihet i mbrojtur dhe i sigurtë.
Discussion about this post