Një shpërthim i fuqishëm në depozitat e gazit në Porto Romano tronditi banorët në Durrës. Banorët të shqetësuar për sigurinë e tyre shprehen se kjo nuk është hera e parë që ndodh, por që çështjet janë mbyllur për shkak të korrupsionit. Ata për kamerat e FaxNews thanë se shtëpitë e tyre ndodhen shumë pranë depozitave dhe se rrezikohet jeta e 10 mijë banorëve.
“Shpërthimi ndodhi herët në mëngjes, nuk është hera e parë. Ndodh njëherë, valvula shpërtheu 200 metra, i bëj thirrje kryeministrit që të marrë masa sa më parë. Janë 10 mijë banorë që rrezikohen, depozitat e gazit janë vendosur pas ndërtimit të shtëpive tona. Njëherë në 4-5 muaj kjo punë është këtu, unë e kam shtëpinë vetëm 40 metra larg nga depozita, e kemi bërë problem shumë herë, dhe nuk i heqin”, shprehet një prej qytetarëve.
“Ne akohemi ata hedhin thesin me lekë, kjo që na ka ndodhur është katastrofë, kanë ardhur dhe kanë bërë çfarë iu ka dashur qejfi. Është korrupsioni, nuk ka shtet, ja ku e kam shtëpinë 100 metra larg, jam i shqetësuar”, tha një tjetër banor në mikrofonin e Fax News.
Një tjetër qytetar shprehet se gjatë ditës së sotme, kur bënë denoncimin për shpërthimin, policia i ka shpërfillur.
“U larguam të gjithë, burra, gra shtatzënë, fëmijë, polici vjen dhe thotë çfarë keni që ankoheni”.
Discussion about this post