Shpërthimi i tritolit në Cërrik, dyshohet edhe për një person të plagosur

Zbardhen detaje nga shpërthimi i tritolit në Cërrik.

Dyshohet se si pasojë e shpërthimit të fuqishëm që ndodhi mesditën e sotme, ka mbetur i plagosur edhe një person tjetër, identiteti i të cilit ende nuk është bërë i ditur.

Nga shpërthimi ngeli i vdekur një 27- vjeçar. Ndërsa është dëmtuar edhe një automjet që ndodhej aty pranë dhe dyshohet të jetë i viktimës.

Nuk dihet ende nëse bëhet fjalë për një atentat, apo ngjarja ka qenë aksidentale.

Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes.