Të tjera detaje raportohen për ngjarjen e rëndë të ndodhur në Lushnjë, ku si pasojë e një shpërthimi, 1 person ka ndërruar jetë dhe 8 të tjerë janë plagosur. Mes të plagosurve është edhe deputeti i PS, Bujar Çela.
Viktima është identifikuar si shtetasi Roland Hoxha.
Vendi ku ndodhej kapanoni ka qenë 100 metra larg Rotondos së Plastmasit, në rrugën që shkon drejt autostradës. Shpërthimi ka ndodhur pasi një vinç ka prekur linjën e tensionit të lartë, e cila ka rënë mbi depozitën e gazit, e cila furnizonte dy magazina të bizneseve.
“Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, akisdentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Si pasojë e shpërthimit ka humbur jetën shtetasi R. H., dhe janë plagosur tetë shtetas mes tyre dhe deputeti B. Ç., të cilët ndodhen në spital për ndihmë mjeksore.
Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit”, sqaron policia.
Discussion about this post