Detaje të reja dalin në lidhje me shpërthimin që ndodhi këtë pasdite në Gramsh. Ka dyshime se eksplozivi mund te ket qenë në makinën e dy vëllezërve dhe sipas të dhënave jo zyrtare ka shpërthyer si pasojë e temperaturave të larta.
Ndërkohë që po kryhen hetimet paraprake për të zbardhur ngjarjen, në Gramsh ka mbërritur njësia e specializuar antieksploziv për të përcaktuar rrethanat sesi ka ndodhur.
Algert Mine dhe Erald Mine jnaë dy vëllezërit që në momentin e shpërthimit kanë qenë në automjetin tip Ford Focus me targa AB 713 JT.
Ndërkohë mësohet se nga ky shpërthim janë dëmtuar edhe tre automjete të tjera të ciat ishin të parkiara afër vendit të ngjarjes.
Vëllezërit ndërkohë janë transportuar në Spitalin e Traumës për të marrë ndihmën mjekësore më të specializuar dhe gjendja e tyre nuk dihet se si paraqitet në këto momente.
Discussion about this post