Shpërthimi i fortë i cili u regjistrua pak minuta më parë në Kabul, rezultoi fatal duke shkaktuar dy viktima dhe tre të plagosur. Sipas raportimeve në BBC shpërthimi u shkaktua nga një raketë që goditi një shtëpi pranë aeroportit të Kabulit, por vetë aeroporti nuk u godit drejtpërdrejtë tha një burim për BBC. Më herët presidenti i SHBA-së Joe Biden paralajmëroi se situata në Kabul vijon të jetë e rrezikshme nëse do kishte një sulm terrorist si ai që shkaktoi 150 viktima. Shpërthimi i fortë është dëgjuar në aeroportin e Kabulit ndërkohë që retë e zeza të tymit kanë mbuluar qytetin. Duket se situata në qytetin e Kabulit vijon të jetë kaotike dhe e pasigurt për banorët.
