Rëndohet bilanci i personave që humbën jetën si pasojë e një shpërthimi të fortë që ndodhi pasditen e sotme në Lushnje.
Nga raportimet e fundit mësohet se pas Landi verçanit që humbi jetën pak momente pas ngjarjes, viktima e dytë është djali i tij. Roland Hoxha dhe djali i tij, Lidio, ndodheshin në mjetin ekskavator që po kryente punime në një magazinë, e cila sipas raportimeve është në pronësi të deputetit socialist Bujar Çela. Ky i fundit mbeti i plagosur gjithashtu nga shpërthimi, bashkë me disa persona të tjerë.
Shpërthimi ndodhi në momentin që ekskavatori preku në një linjë 20 mijë kilovolt të tensionit të lartë, duke shkaktuar shpërthimin. Roland Hoxha ndodhej në ekskavator bashkë me djalin e tij. Ky i fundit ishte një nga të plagosurit rëndë dhe pak orë pas ngjarjes ka humbur jetën në spitalin e Traumës, si pasojë e plagëve.
I riu, rreth 20 vjeç, nuk mundi t’i mbijetojë plagëve të rënda, edhe pse u transportuar drejt Spitalit të Traumës në Tiranë, ku u fut në intubim për shkak të djegieve të rënda në fytyrë dhe në rrugët e frymëmarrjes.
Policia dhe Prokuroria kanë nisur hetimet mbi ngjarjen, por duket se neglizhenca e treguar në marrjen e masave të sigurisë për jetën e punëtorëve, shkaktoi dy viktima dhe disa të plagosur, mes të cilëve edhe deputetit-pronar, Bujar Çela.
Nëse shpërndarësi i energjisë elektrike do të ishte vendosur në një vend të sigurt ku nuk do të kishte kontakt të drejtpërdrejtë me punëtorët, ngjarja e rëndë do të ishte shmangur.
Fatkeqësisht masat e sigurisë janë anashkaluar ose janë shpërfillur dhe sot dy qytetarë humbën jetën, ndërsa 7 të tjerë mbetën të plagosur.
Discussion about this post