Shpërthimi në Sarandë, mëngjesin e sotëm ka qënë një nga më të fortët e viteve të fundit duke hedhur në tokë një hotel. Vala goditëse ka shkaktuar gjithashtu dëme të theksuara edhe në bizneset pranë hotelit.
Ndërkohë, bëhët me dije nga mediat se disa persona janë shoqëruar në lidhje me këtë shpërthim.
Nga mediat raportohet se të shoqëruarit janë anëtarë të dy familjeve, Spiro Çambiri dhe Dhimiter Evangjeliu që kishin në pronësi hotelin.
Ndërkohë nga Tirana në Sarandë pritet të shkojnë ekspertë xhenierë, për të përcaktuar llojin e lëndës plasëse dhe sasinë e vendosur në hotel.
Shpërthimi ndodhi në orët e para të mëngjesit të sotëm, ndërsa policia thotë se dy bashkëpronarët kanë qenë në një proces gjyqësor për pronësinë.
Nga shpërthimi pati dëme të konsiderueshme, që u shkaktuan edhe në banesat dhe bizneset që ndodheshin përreth.
Për fat të mirë nuk pati persona të lënduar, por ngjarja ka shkaktuar panik te banorët.
Discussion about this post