Mbrëmjen e sotme u shpërthye me eksploziv në Vlorë automjeti në pronësi të Benard Sinomatajt.
Sipas policisë, ngjarja ka ndodhur rreth orës 18:30, në lagjen “Hajro Cakërri”, Vlorë, ku në pjesën e përparme të një automjeti tip “Volkswagen Pasat” , në pronësi të Benard Sinomatajt, ka shpërthyer një sasi e vogël lëndë plasëse.
Policia njofton se ka vetëm dëme të vogla materiale, ndërsa automjeti ka shumë kohë i parkuar pasi pronari i mjetit prej kohësh ndodhet jashtë shtetit.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
Discussion about this post