Ish-sulmuesi i disa skuadrave në Itali, Vito Chimenti u nda nga jeta në moshën 69-vjeçare. I njohur si shpikës i “biçikletës”, fintes së famshme që driblonte kundërshtarin duke i hedhur topin mbi kokë dhe i përdorur sot më shumë nga Neymar dhe Douglas Costa.
Chimenti u ndje keq para ndeshjes së Pomarico, aty ku ishte trajner te moshat. Megjithë ndërhyrjen e mjekëve dhe dërgimin në spital, ish-sulmuesi nuk mundi të fitonte betejën më të madhe.
I lindur në Bari në vitin 1953, Chimenti luajti për Matera, Lecco dhe Salernitana përpara se të shpërthente në Palermo në Serinë B dhe të luante në Serie A me Catanzaro, Pistoiese dhe Avellino (gjithsej 13 gola). Ai e mbaroi karrierën me Taranton në Serinë C në 1985.
Discussion about this post