Katër skuadra me pikë të barabarta në garën për mbijetesë, ja kush favorizohet nga rregullorja e FSHF

Gara për mbijetesën në Abissnet Superiore është e ethshme. Aktualisht qëndrojnë katër ekipe me pikë të barabarta, ndërsa edhe Flamurtari i vendit të fundit i ndjek me 3 pikë më pak.

Aktualisht Teuta gëzon vendin e gjashtë, ndërsa Tirana e ndjek. Por, duke qenë se mes këtyre ekipeve është për t’u luajtur Vora-Bylis që të mbyllë tabelën përfundimtare, atëherë kjo renditje është e sigurt që do të ndryshojë. Kështu në rast se në fund kemi barazim pikësh mes këtyre skuadrave, atëherë renditja nuk do të ishte kjo aktuale. Teuta do ishte e para ose dyta, por e sigurt që Tirana nuk mund të shkonte më shumë se vendi i parafundit në pozicionimin mes këtyre skuadrave.

22.4. Nëse dy ose më shumë ekipe kanë grumbulluar të njëjtën sasi pikësh, renditja e tyre në tabelën e klasifikimit përcaktohet duke mbajtur në konsideratë kriteret më poshtë:

1. Pikët e grumbulluara në ndeshjet e zhvilluara midis ekipeve përkatëse;
2. Diferenca e golave të shënuar dhe të pësuar në ndeshjet e zhvilluara midis ekipeve përkatëse;
3. Diferenca e golave të shënuar dhe të pësuar gjatë Kampionatit Kombëtar të Futbollit, për Abissnet Superiore në sezonin përkatës;
4. Numri më i madh i golave të shënuar gjatë Kampionatit Kombëtar të Futbollit, për Abissnet Superiore, sezoni futbollistik përkatëse;
5. Me short;

TABELA E NDESHJEVE DIREKTE MES TEUTËS, TIRANËS, VORËS DHE BYLISIT

gijotina.com/