Një nga klubet shqiptare që ka bërë emër vitet e fundit me performancat e tij, në ligat e ulta të futbollit kombëtar, po përballet me një situatë të vështirë financiare, aq sa rrezikon që të mos ekzistojë më.
Oriku rrezikon shkrirjen. Skuadra nga Qarku i Vlorës, nuk është mbledhur dhe një pjesë e lojtarëve janë larguar. Situata nuk është aspak pozitive, por gjithsesi ka njëfarë shprese.
“Sytë” mbeten nga Bashkia e Vlorës. Administratori i klubit, Muharrem Jazaj, që mbajti i vetëm ekipin sezonin e fundit, nuk ka ndërmend të mbledhë skuadrën nëse nuk ka siguri nga bashkia. Jazaj kërkon financim nga institucioni i qeverisjes vendore që është edhe pronar i klubit.
Por deri tani nuk ka asnjë fije shprese. Edhe pse është vonë, në Orikum janë me shprehjen “shpresa vdes e fundit” dhe kërkojnë të paktën që skuadra të qëndrojë në garë për të mos shkuar te shkrirja./PanoramaSport
Discussion about this post