Raundi i radhës i bisedimeve ballë për ballë midis Ukrainës dhe Rusisë do të zhvillohet në Turqi. Gjithçka pritet të nisë sot dhe të zgjasë deri ditën e mërkurë. Lajmi u bë me dije një ditë më parë nga negociatori ukrainas David Arakhamia.
“U vendos që raundi tjetër të mbahet në Turqi nga data 28 deri më 30 mars,” tha ai.
Të dy vendet kanë hyrë në disa raunde bisedimesh deri më tani. Fillimisht takimet u mbajtën në Bjellorusi, por më pas u zhvilluan online. Pavarësisht bisedimeve, ata ende nuk kanë arritur një marrëveshje për një armëpushim ose një tërheqje të trupave ruse nga Ukraina. Lufta nga ana tjetër shënon ditën e saj të 33 sot.
Discussion about this post