Në rubrikën “Ka një mesazh për ty” të programit ‘E diela shqiptare’ ishte protagoniste sot Ana, e cila ka ftuar Masimon, partnerin e saj italian. Ajo është shprehur se i shoqi ka qenë një mbështetje mjaft e madhe për të.Pasi u diagnostikua me kancer, gruaja rrëfen se ka patur një jetë tepër të vështirë, por me përkrahjen e Masimos, e ka përballuar mjaft mirë duke i dhënë forcë për të dashur jetën sa më shumë. Masimo u shpreh i habitur në studio sepse ai nuk njeh asnjë në Shqipëri që ta ftojë në emision dhe mendon se ndoshta mund të jetë dhe policia.
Ardit Gjebrea: Ju kë njihni në Shqipëri që mund t’ju ketë ftuar në studio?
Masimo: Unë në Shqipëri nuk njoh asnjë të jem i sinqertë. Shpresoj vetëm që mos jetë policia që mund të më ketë sjellë këtu.
Ardit Gjebrea: Po pse çfarë ke bërë në Shqipëri që të të thërrasë policia?
Masimo: Shpresoj asnjë gjë. Nuk e di kush mund të ma ketë dërguar këtë ftesë me thënë të drejtën.
Kur Masimo e shikon Anën në ekran thotë se është gruaja e tij dhe emocionohet.
Ana e falënderon atë për vullnetin dhe mbështetjen që i ka dhënë prej kaq shumë kohësh dhe nuk ia ka lëshuar kurrë dorën.
Discussion about this post